Kapindho yaiku panemu kang kandha yen sosis solo mujudakake kreasine masyarakat Solo kang kepingin nyoba nggawe sosis kang biyasane dipangan wong Eropa kanggo lawuh utawa kanca nalika mangan roti.
Sosis kang dipangan wong eropa ing jaman iku umume digawe nganggo susu lan bumbu tartamtu kang dirasa kurang cocok tumrap ilate wong Solo.
Kahanan iki kang ndadekake wong Solo muter utek. Bahan-bahan kang dibutuhake kanggo nggawe sosis mau banjur dibumboni kanthi maneka bumbu lan rempah-rempah kang dirasa cocog karo ilate wong Solo.
Sawise nindakake maneka percobaaan, wusanane masyarakat Solo kasil nggawe masakan sairip sosis sing kulina dipangan wong-wong eropa nanging cocok karo ilate wong Solo.
Panganan mau banjur diarani sosis solo. Masia bentuke padha, nanging sosis solo iki klebu jinise jajanan lan dudu lelawuhan.