Bismillaahirrahmaanirrahiim. Asyhadualla ilaaha illallah. Waasyhadu anna Muhammadarrosulullah. Saderengipun nuwun sewu, kula nyuwun wekdalipun sekedhik kagem matur. Kapisan kagem para kadang sepuh, mugia sungkem pangabekti kula tansah saged dipuntampi dening panjenengan sedaya.
Kaping kaleh kagem para sederek kula ingkang langkung anom sarta sesami, kawula namung badhe ngaturaken salam taklim dhumateng penjenengan sami. Ing dinten riyadin punika, inggih dinten Idul Fitri menika, kula badhe matur, taqabalallahu minna wa minkum.
Mugia sedaya amal kesaenan ingkang sampun kita tindakaken sadangunipun wulan Ramadhan saged dipuntampi dening Allah SWT. Ing kalodhangan dinten punika, ingkang dados wigati, kawula badhe nyuwun aksama saking sedaya kalepatan kula, lahir ugi batin, kanthi raos ikhlas ing salebeting manah, satuhu nyadong pangaksama mugia panjenengan sedaya kersa paring pangapunten dhumateng lepat kula. Kosok wangsulipun, mbok bilih menawi panjenengan hanggadahi kelepatan dhateng kula, kanthi ikhlas saking lebeting batin kula sampun paring pangaksama dhumateng panjenengan sedaya. Mugia Gusti Allah kersa paring ijabah saha ampunanipun dhumateng kita sedaya. Amin, amin, Yaa robbalaalamiin.
Duh Gusti Allah pangeran kula. Sedaya pangalembono kunjuk wonten ngarso paduka. Wonten ing dinten menika, kula sami silaturahmi, saperlu halal bihalal apuro ing apuran. Dhumateng bapak/ibu engkang kaleres sepuh. Kulo ngaturaken raos bektos kula, Dhumateng kadang sesami, kula ngaturaken salam takdzim kula.
Bismillaahirrahmaanirrahiim. Asyhadu alla ilaaha illallah. Wa asyhadu anna Muhammadarrosulullah. Kepareng matur, dumateng Ibu/Bapak sederek sedaya ingkang kaleres sepuh, kula ngaturaken sungkem pangabekti mugi katur ing ngarsa panjenengan