Assalamualaikum Wr. Wb.
Asshaduallailahaillalah wa asyhadu anna muhammadar rasulullah. Ama badu.
Tipayun mangga urang sami-sami panjatkeun puji sinareng syukur ka hadirat Allah SWT. Nu mana dina kasempetan ieu urang sadaya tiasa ngumpul dina kaayaan sehat wal’afiat.
Shalawat miwah salam mugi tetep dilimpahkeun ka jungjungan urang sadaya Nabi Muhammad SAW. Teu hilap ka kulawarga, sahabatna, oge ka urang sadaya salaku umatna anu Insya Allah taat kana ajaran nana, Amin ya robbal alamin.
Hadirin sadaya anu ku simkuring dipihormat, nyuhunkeun waktosna kanggo abdi anu ngawakilan rerencangan kanggo nyampaikeun amanat dina raraga program perpisahan kelas genep.
Henteu karaos parantos genep taun urang aya didieu. Nu mana ayeuna puncak saleresna urang sadaya bakal papisah ti sakola ieu. Henteu hilap abdi ngawakilan rerencangan ngahaturkeun rewu nuhun laksa keti kabingahan ka bapa sareng ibu guru anu mana tos ngajarkeun ka abdi sadaya loba hal.