4 Contoh Dongeng Bahasa Sunda Pendek yang Mudah Dipahami

Isukna Si Abdul ka kota deui mawa tarigu dua karung. Éta karung téh ditalian deui kana kuda. Jiga kamari deui waé kuda téh ngagejeburkeun manéh ka walungan, atuh puguh waé tarigu téh beak kabawa palid. 

Bari jeung ambek Abdul terus balik deui ka imahna, teu jadi ngajual barang daganganana. Isukna, Abdul néangan akal sangkan kuda nu ngedul téh teu ngalakukeun deui pagawéan jiga kamari. 

Abdul néangan kapas, tuluy dikarungan sarta ditalian kana tonggong kuda. Di tengah jalan jiga kamari deui waé kuda téh ngagejeburkeun manéh kana walungan, tapi basa manéhna hanjat karasa kacida beuratna karung nu dieusi ku kapas téh. 

Manéhna ngarasa kaduhung ngalakukeun pamolah model kitu, sabab manéhna kudu terus ka kota mamawa kapas anu sakitu beuratna.

4. Di Mana Ayana Kabungahan

Jaman baheula aya hiji lalaki ngaranna Salhawi. Sapopoena Pagawéan ngala batu di tutugan gunung. Hiji poé manéhna ngalamun.

"Mun urang jadi jalma beunghar tangtu moal capé jiga kieu." Teu pati lila datang jin Ipri. Ipri nyarita, "Kahayang manéh baris dikabul."