Wassalamualaikum Warahmatullahi Wabarakatuh.
Sugeng siyang, salam sejahtera katur dhateng kita sedaya
Bapak Kepala saha Bapak/Ibu guru SDN 03 Gili ingkang kinurmatan
Bapak, Ibu Wali Murid kelas VI ingkang kinurmatan
Bapak, Ibu tamu undhangan ingkang kinurmatan
Saha rencang-rencang ingkang kula tresnani
Purwakaning atur, sumangga kula tansah ngaturaken puja dalah puji syukur dhateng Allah, Gusti Ingkang Maha Asih. Awit sih nugrahanipun, panjenengan kaliyan kula saget makempal wonten Aula SDN 03 Gili kanthi becik, wilujeng mboten wonten alangan rubeda setunggal punapa.
Kula minangka wakil kelas 6 badhe matur, ingkang kapisan kula sarencang kelas 6 ngaturaken panuwun dhateng Bapak saha Ibu Guru ingkang sampun paring ilmu, kapinteran, saha keprigelan lumantar pawiyatan kanthi sabar lan telaten ingkang dangunipun 6 warsa.
Ingkang kaping kalih, kula sarencang nglenggana kathah lepat ing tindak tanduk, tata krama, tata basa saha suba sita ingkang mboten mranani manah Bapak saha Ibu Guru. Pramila ing kalodhangan siyang punika kula nyuwun agunging samodra pangapunten.
Kaping tiga, kula sarencang sampun purna ngadepi gladhen Ujian Sekolah ngantos kasil lulus, kepareng kula nyuwun pamit saha donga pangestu Bapak saha Ibu guru supados kula sarencang saget nglajengaken pawiyatan dhateng SMP.
Bapak saha Ibu Guru ingkang kinurmatan, sandyan kula sarencang sampun purna pawiyatan wonten ing SDN 03 Gili , angangin kula sarencang tetep jagi kebecikan saha kaluhuran SDN 03 Gili.