Mugi-mugi gusti Allah paring lelintu dhumateng amalan kita wonten ing ndalu punika kanti ganjaran ingkang sebobot lan satimbang kaliyan pandamel kita, Amin.
Para Bapak/Ibu sagunging para kaum muslimin/muslimat ingkang kinurmatan,
Sepisan malih sagunging panitia tansah ngatuaken agunging panuwun dhumateng para Bapak ibu lan sederek sedaya sarta sadaya ingkang ingkang sampun kepareng hanyengkuyung wontenipun tata adicara pengetan Maulid Nabi Muhammad SAW punika.
Lan kula pinangka pangarsaning panitia sarta para kadang panitia tansah nyuwun agunging samodra pangaksami, awit kula sakadang ngrumaosi bilih anggenipun angaturaken papan palenggahan saha samukawisipun kirang mranani dumateng manah panjenengan sedaya.
Mbok menawi cekap semanten ingkang dados atur kulo wonten ing acara punika, kiranging basa kula tansah nyuwun sih agunging pangaksami, purnaning atur, Billahi taufiq wal hidayah.
Wassalamualaikum Wr. Wb.
Assalamualaikum Warahmatullahi wa barakatuh. Para rawuh ingkang kinurmatan. Sumangga kita aturaken puji syukur dhumateng ngarsanipun Allah SWT ingkang sampun paring kanugrahan ingkang ageng dhumateng umat manungsa, inggih punika miyosipun Nabi Muhammad SAW.